கட்டுரை

தனக்கு
வேண்டிய/தெரிந்த அளவில்
வேண்டிய/தெரிந்த படி
ஆளாளுக்கு கொஞ்சம் கொஞ்சம்
பிய்த்தெடுத்துக் கொண்டு
எனக்கே என்னை
இல்லாமல் செய்து விட்டு
அவரவரிடத்தில் இருக்கும்
அந்தந்த கொஞ்சமே
நானென்று சொல்லிக் கொண்டிருக்கிறார்கள்.

எனக்கு மட்டும் தானே தெரியும்
எந்தக் கொஞ்சமும் நானில்லை...

யாருக்கும் யாராகவும்
இருக்க விரும்பாத
சூன்யப் பெருவெளியே
நானென்பது.

,