தத்துவம்

அன்றிலிருந்து நான், என் சொற்களை இழந்து விட்டேன். அன்றிலிருந்து, உதடு பொருளற்ற மௌனத்தை உடுத்திக் கொண்டது. அன்றிலிருந்து, மனதை கரையான்கள் மேய தொடங்கி விட்டன.
அன்றிலிருந்து, நான் அன்றில் தான் இருக்கிறேன். அன்றிலிருந்து, என் கடிகாரத்தின் முட்கள் நொண்டியாகிவிட்டன. அன்றிலிருந்து, என் காலண்டர் கிழமையற்றதாகி விட்டது.
அன்றிலிருந்து, காலம் குறித்த கேள்விக்கு என்னிடம் பதில்கள் இல்லை. அன்றிலிருந்து, அன்பின் மீதெனுக்கு நம்பிக்கை இல்லை. அன்றிலிருந்து, எல்லாவற்றுக்கும் மாற்றாக என்னிடம்
இருந்த லவ் யூ க்கள் என்னிடம் இல்லை. மற்றும் அன்றிலிருந்து, என்னிடம் நானே இல்லை. என்றிலிருந்து என்றால், இன்றிலிருந்து தான் எப்படியென்றால், அன்றிலிருந்து, நான் அன்றில்
தான் இருக்கிறேன்.