தத்துவம்

பெண்களிடம் அன்பைச் சொல்லி அல்லது
சொல்ல முயன்று
கிறுக்கனாக்கப்பட்டிருக்கிறேன்.
காஜியாக்கப்பட்டிருக்கிறேன்.
போலவே
ஆண்களிடம்
அன்பைச் சொல்லி அல்லது சொல்ல முயன்று
Gay-வாக்கப்பட்டிருக்கிறேன்.
அலியாக்கப்பட்டிருக்கிறேன்..
அன்பை அன்பாகவே பார்க்கத் தெரியாதவர்கள்
எதனை எதுவாக வேண்டுமானாலும் ஆக்குவார்கள்.

என்றாலும்
நான் எதுவாக்கபட்ட போதும் வருத்தமில்லை.
அன்பு கேலியாக்கட்டது தான் கேவலைத் தருகிறது.
பரவாயில்லை
கேட்காமல் கிடைக்கிற எல்லாமும்
இங்கு கேலிப் பொருளாவது புதிதில்லையே!

தீமழை பேய்ந்து மண்ணெல்லாம்
தீய்ந்தழிந்தே போனாலும்
துளி ஈரத்துக்கு வேரரும்பும்
பேதமறு இந்த தாவர மண்டலத்தில்
நான் என்பது
அன்பை பச்சையமாய் கொண்ட
சிறு விருட்சம் தான்
நானென்பதை நானறிவேன்!
நகைத்து கொள்ளுங்கள்.

• பித்தன்