தத்துவம்

மரணத்தின்
மடி தழுவ வேண்டுமென்று
மன்றாடுகிறது மனது
ஏனென்று காரணம் மட்டும்
என்னிடம் கேட்காதீர்கள்
காயம் பட்ட வார்த்தைகள்
கண்ணில் நீர் வழியச் செய்கின்றன
என் எதிர்பார்ப்புகளில்
நான் கண்ட ஏமாற்றங்களும்
என்னிடம் எதிர்பார்த்தவர்களுக்கு
நான் தந்த ஏமாற்றங்களும்
ஊசியாய் உயிர் வலிக்கச் செய்கின்றன
இறைவா
வலி தாங்கி
நான் வாழ்வது கடினம்
ஆகவே ஆண்டவனே
அடிபணிந்து வேண்டுகிறேன்
ஒளி வேகத்தில்
ஓடிப் போகட்டும் என் உயிர்..!