தத்துவம்

நான் சொல்வது எல்லாம் சரியா என்று தெரியவில்லை, இருந்தாலும் பொருளாதாரச் சரிவை சரி செய்ய

ஆன்லைனில் மது விற்க முயற்சிக்கும் அரசு, ஆன்லைனில் வகுப்பெடுத்து அல்லது கைவினை கலைஞர்களை பெருக்க முயற்சிக்கலாம். அதன் மூலம் கைவினைப் பொருட்களை வாங்கி அரசே கூட விற்க முயற்சிகள் மேற்கொள்ளலாம்

அல்லது

மக்கள் அடர்த்தி மிகக் குறைவாய் உள்ள கிராமங்களில் விவசாயத்தை ஊக்கு வித்திருக்கலாம். நேற்று கூட ஒரு நாளிதழில் பார்த்தேன். கோயம்பேடு மார்க்கெட் மூடப் பட்டதால் தர்மபுரியில் கத்திரிக்காய் ஏரியில்
கொட்டப்பட்டு விட்டதாம். இதை அரசாங்கம் வாங்கி விநியோகிக்க முயற்சிகள் மேற்கொள்ளலாம்.

நெசவு தொழிலை ஊக்கு விக்கலாம்.

இதில் வருமானம் குறைவாய் கூட இருக்கலாம். ஆனால் அதிக லாபம் வருகிறது என்று யார் செத்தால் எனக்கென்ன என்று தவறான வழியை தேர்ந்தெடுப்பது சரி இல்லை.

இது போல இன்னும் எத்தனையோ வழிகள் இருக்கக் கூடும் ஆனால் இதையெல்லாம் விட்டு விட்டு வெறும் போலிச் சாக்கு சொல்லி சாராயம் விற்பதை சரியாக்க முயற்சிப்பது சரி இல்லை என்று தோன்றுகிறது.