தத்துவம்

குளிக்காத தோற்றம்
குடித்தவன் போல் முகம்
தாடி மழிக்காத கன்னம்
குத்தூசி போல உடல்
குத்துமென் இளமையை
குழைய செய்யும் பார்வை
தாழடைத்த பெண்மையை
சாவியிட்டு திறக்கும் அப்பாவி தனக் குறும்பு
பித்தனென்று பெயர்
புத்தி தெளிவு ற்ற
சித்தன் போல பேச்சு
மொத்தத்தில்
கவர்ச்சியில்லாத ஆள் நீ
உன்னில் கண்டு மயங்க ஒன்றுமில்லை
இருந்தும் என்ன விந்தையோ
இழந்தேனென் இதயத்தை
சொல் விந்து கொண்டென்னில்
காதல் கரு விதைத்தாய்
நீ பார்க்கும் போதெல்லாம்
நாணம் வந்தென்னை
வில்லின் நாணாய் வளைக்கிறது
நீ இல்லாத இந்த கணத்தில்
துயர்பட்டு மனம் நீரற்ற மீனாய் துடிக்கிறது
ஞானப் பித்தனே
பெண்மையின் பக்தனே
வா.. வந்து
கல்லாய் சமைந்த அகலிகை என்னை
உன் கரங் கொண்டணைத்து பெண்ணாய் செய்.

#என்னை_பற்றியது_தான்