தத்துவம்

உருகும் மெழுகு ஒளியாகும்
உடையும் கல் சிலையாகும்
எரியும் திரி தீபமாகும்
விழுந்த விதை மரமாகும்
உதிர்ந்த இலை உரமாகும்
செத்த மாடு கூட பறையாகும்
உதவாதென புதைத்தவை
புல் முளைக்கும் மண்ணாகும்
மாறாக எரித்தவை திருநீறாகும்
இயற்கையின் படைப்பில்
பயனற்றது எதுவுமில்லை...
கல்லுக்குள் சிலையென
அணுவுக்குள் ஆற்றலென
உன்னுள்ளும் ஏதேனுமிருக்கும்...
உடைத்து பார்... உடைந்து பார்...
தோற்பது அவமானமில்லை அனுபவம்.
தோற்றுபோ.
அனுபவ உரமேறு.
ர. அஜித்குமார்