தத்துவம்

சருகுதிர்தலின்
சப்தங்கள் கூட
மிரட்டுமிந்த மர்ம இரவில்
கொடும் விடம் சுமந்தூரும் நாகமென
படுக்கையில் உன்னை நினைத்தபடி
புரண்டுறங்க முயலுமென்
முதுகின் மேல் உதட்டால் ஊர்ந்தேறி
பின்னங்கழுத்தின் சதைக் கதுப்பை கடித்திழுத்து
புரட்டி கிடத்தி
இரத்தத்தில் நனைந்த என் மார்பள்ளத்தின்
நடுமத்தயில் முத்தமிட்டு
மெல்ல மேலேறி
என் உதட்டுக் கோப்பையில் கள்ளருந்தி வெறியேறி
என் அங்கமெங்கிலும்
வியாபித்து ஓய்ந்து என் மீதே உறங்கி போ.