சிறுகதை

அவனை யாரும் விரும்பாதீர்கள்
அவனை யாரும் நம்பாதீர்கள்
அவனை யாரும் நெருங்காதீர்கள்
நேசத்திற்காக நாடகமாடும்
அயோக்கியவன் அவன்.
இனிக்க இனிக்க பேசி
ஏமாற்றி நகரும் மோசக்காரன் அவன்.
நேசம் வைத்தும்
நேசிக்க வைத்தும்
உங்களை உரு மாற்றி விட்டு
உருத்தெரியாமல் தொலைந்து போய்விடுவான்.
அவன் ஒன்றுக்கும் உதவாத புறம் போக்கு.
புல் பூண்டு கூட முளைக்காத களர் நிலம்.
வீணே அன்பை விதைத்து
அன்பை எதிர்பார்த்து ஏமாந்து போகாதீர்கள்.
அவன் ஒரு ஏமாற்றுக்காரன்.
இது எல்லாம் தெரியாமலே
அவனோடு உறவு வளர்த்திருந்தால்
நெருக்கமா யிருந்திருந்தால்
இனியேனும்
விட்டு விலகிப் போய்விடுங்கள்.
வலிகள் மிச்சப்படும்.

• பித்தன் 💙