சிறுகதை

உரிமை கேட்டுச் சென்று
உயிரை மாய்த்துக் கொண்டோம்....
இல்லை இழந்து நின்றோம்.
பல்லை இழித்து கொண்டு
ஓட்டை வாங்குதற்கு
வீட்டை நோக்கி வந்தவன் எல்லாம்
கோட்டை யிலிருந்த படி
பேட்டி கொடுக்கிறான்.
நோட்டை வாங்கி கொண்டு
நாட்டை நாமே
நாசம் செய்தோம்.
காசே எமனானது.
காற்று விசமானது.
நேற்று நாம் செய்த
சிறு தவறு
இன்று சாத்தன் உரு கொண்டு
தோட்டாக்கள் விடுகிறது.
ஏனென்று கேட்டாள்
பெண்ணென்றும் பாராமல்
வாயில் குறி வைத்து சுடுகிறது.
போதுமடா சாமி - இந்த
ஜனநாயக வேசம்.
இனியும் அமைதி காத்தால்
இனமொன்று அழிந்தென்று
நாளை சரித்திரங்கள் பேசும்.
வாளை ஏந்தாது போனாலும்
கோழை இல்லை என்று
கொஞ்சம் மெய்பிப்போம்.
வஞ்சம் செய்து விட்ட
பிணந்தின்னி கழுகுகளுக்கு
சனங்களின் சக்தி
எதுவென்று காண்பிப்போம்.

புறப்படு மனிதா.