சிறுகதை

உதட்டில் அமர்ந்து கொண்டு
சிறகு உலர்த்தும்
மௌனப்பறவையை
விரட்ட தோன்ற வில்லை.

பெருந்துயரங்களை மூடி மறைத்து
மார் கூட்டிடுக்கில்
துடித்து கொண்டிருக்கும் இதயத்தை
மென்னிறகுகளால் வருடுகிறது.

ரணமேறிய நெஞ்சுக்கு
ரசாயனம் பூசுகிறது.

சமிக்ஞை மொழியில்
என்னோடு ஏதேதோ
ரகசியம் பேசுகிறது.

யாரும் என்னில் இருந்து அதையும்
அதனோடிருக்கும் என்னையும் பிரிக்க முயலாதீர்கள்.

ஏனென்றால்

உதடு பிரிவதில் எனக்கும்
உதட்டை பிரிவதில் அதற்கும் பிரியமில்லை.