சிறுகதை

நான் பறையன்.

இது உங்களுக்கு சாதி பெயராக தெரிந்தால் அது உங்கள் பார்வையின் பிழை.

பறையன் என்பது என் தொழில் பெயர்.

நீங்கள் ஆயிரமாயிரம் ஏற்றத் தாழ்வுகளை சொல்லி
என்னை ஒதுக்கி வையுங்கள்.

நான் தொட்டதனைத்தையும் தீண்டாதிருங்கள்.

இந்த பதிவை கூட படிக்காமல் ஒதுக்கி விடுங்கள்.

ஏனென்றால் நானே என் தாயின் யோனி வழி வந்த கழிவு.
என் பதிவும் அப்படி தான் இருக்கும்.

நீங்களும் கழிவு என்பதை நினைவில் கொள்ளுங்கள்.

கழிவினில் உயர்ந்தது தாழந்தது என்று தரம் பிரிக்க தெரியாது எனக்கு.

ஆனால் எதை வைத்தோ பறையறையும் என்னை
ஒதுக்கி ஒடுக்கி வைத்திருக்கிறீர்கள்.

மண் மூடிய விதை தானே மரமாகும்.

என்னை எந்த அளவு முடியுமோ அந்த அளவு ஆதிக்கத்தால் அழுத்துங்கள்.

என்னுள் உறங்கி கிடக்கும் விதை விருட்சம் கொள்ளட்டும்.

❤️

(பறை அறையன் என்பதே பறையன் என்று மருவி உள்ளது என்பதை உணர்த்தவே இந்த பதிவு. மற்றபடி சாதியை கொடி தூக்கி பிடிக்க வில்லை. சாதி பெய‌ர் சொல்லி என்னை அடையாளப்படுத்திக் கொள்வதை விட மனிதன் என்றே என்னை
அடையாளப் படுத்திக் கொள்ள ஆசை படுகிறேன். அதிலே ஆனந்தமும் அடைகிறேன்.)