கவிதை

Love you சொன்னாலே போதும்
எவ்வளவு எவ்வளவு என்று
கேட்டுக் கொண்டே இருக்கிறாய்.
ஒவ்வொரு முறையும்
ஒவ்வொன்று சொல்கிறேன்
ஒரு முறை
உன் உதட்டிடை சுரக்கும் உமிழ் நீரளவு.
ஒரு முறை
ஆயுளுக்கும்
நீ சுவாசிக்கப் போகிற காற்றின் அளவு.
ஒரு முறை
உன் இட முலைக் காம்பின் அளவு .
ஒரு முறை
உன் அல்குள் வளர் முடியெண்ணிக்கை.
சகி
ஒவ்வொரு முறையும்
ஒவ்வொன்றை சொல்கிறேனே
ஆனால் எல்லாவற்றிற்கும்
ஒரே அர்த்தம் தான்.
என் காதல் அளவிட முடியாதது.
என் காதல் பரிசுத்தமானது.
என் காதல் தாய்மையும் காமமும்
மென்மையும் திண்மையும்
ஒன்று கலந்தது.
மேலும் என் காதல்
உன்னாலானது உனக்காக மட்டுமே ஆனது.

• 15 நவம்பர்