கவிதை

சாமிக்கு பூ போடும்
பக்தனின் லாவண்யத்தோடு
என்னை தூக்கி மெல்ல
குழியில் கிடத்தி.....
தன் கிணத்து கண்களில்
கொஞ்சமாய் கருணையூற
எதையோ யோசித்து-பின்
தன் நெடு நீண்ட கால்களையும் கைகளையும்
குறுக்கி கொண்டு
என்னை நெஞ்சோடு நெருங்க அணைத்த படி
எனக்கு தோண்டிய குழியில்
என்னை பிரிய மனமில்லாமல்
தானும் படுத்து கொண்டதந்த தனிமை.
சரி யென்று நானும்
சிரித்து கொண்டே
அதன் அரக்கத் தழுவலுக்கு இணங்கி விட்டேன்.

😔😔😔

#மீள்