கவிதை

#ரூம்_நம்பர்_471 அந்த ஹாஸ்டலின் ஃபர்ஸ்ட் ப்ளோரில் வலது புற வரிசையில் இருக்கிற ஃபர்ஸ்ட் ரூம் . அது என்னுடைய ரூம் தான் என்பதற்கான அடையாளமாய் "காலையில் எட்டு மணிக்கு
முன்னதாக கதவை தட்டினால் பீப் களுக்கு ஆளாவீர்" என்ற வாசகம் கோணல் மாணலாக கதவில் எழுதப்பட்டிருக்கும். காலை நேரம் என்றால் காலுக்கு கீழே பாதி உள் சொருகிய நிலையில் தி
இந்து இருக்கும். ஒரு நாளும் கதவு பூட்டி இருக்க வாய்ப்பில்லை. மேலும் கதவை திறந்து பார்த்தால் கட்டிலில் நிச்சயம் ஏதேனும் ஒரு புத்தகம் இருக்கும் அல்லது அதனோடு நானும்
இருப்பேன். தரையில் குப்பை கூளங்களோடு சில தி இந்து க்களும் சிதறி கிடக்கும். துவைக்காத அழுக்கு துணிகள் தலைக்கு மேலே தொங்கும். சுவற்றில் அறையப்பட்ட ஆணிகளில் சில ஜீன்ஸ்
களும் அதன் பக்கத்தில் அரையும் குறையுமாய் இங்கிலீஷ் பட ஹீரோயின்கள் இடுப்பை காட்டிக் கொண்டும் நிற்பார்கள். உங்களுக்கு நாய் மூக்காக இருந்தால் எங்கள் ப்ளோரின் கடைக்கோடியில்
இருக்கிற கக்கூசு வாசனையாய் லேசாக உணர முடியும். இந்த அடையாளங்கள் எதுவும் நினைவில் இல்லாத பட்சத்தில் என் ரூம் எதுவென தெரிந்து கொள்ள ரூம் நம்பர் 471 எங்கிருக்கென வெட்கம்
விட்டு யாரிடமாவது கேட்டு விடுங்கள். வேறு வழியே இல்லை.