கவிதை

எப்போதும் போல இன்றும் என் மொபைலின் ம்யூசிக் ப்ளேயரில் பாட்டு இசைந்து கொண்டிருந்தது. பெரும்பாலும் என் ப்ளே லிஸ்ட்டில் பழைய பாடல்கள் அதுவும் சோக பாடல் தான் இருக்கும்.முதலில் "அடி என்னாடி
ராக்கம்மா என்னென்ன நெனைப்பு என் நெஞ்சு குலுங்குதடி" பாடல் ஒலித்து முடித்தது. நானும் முணு முணுத்து முடித்தேன். ப்ளே லிஸ்ட் சப்புல் மோடில் இருந்திருக்கிறது. அடுத்தாக அந்த பாட்டு ஒலிக்க
ஆரம்பத்தது. ரஹ்மான் பாடல் . ரஹ்மானின் இசையே தனி ருசி தான். அந்த பாட்டின் ஆரம்பத்தில் இருக்கும் குழல் இசை அத்தனை ஈர்ப்போடிருந்தது. வரிகளும் தான். நான் பாடல் தொடங்கும் முன்னே பாட்டின் முதல்
வரியை முணு முணுக்க ஆரம்பித்து விட்டேன். தண்ணீரை காதலிக்கும் மீன்களா இல்லை....

உடனே பக்கத்தில் உட்கார்ந்து கொண்டிருந்த பிரவீன் தங்கத்தை காதலிக்கும் பெண்களா இல்லை என்ற அடுத்த வரியை பாடாமல் மாற்றி... அஜித்தை காதலிக்கும் பெண்களா இல்லை என்று பாடினான். எனக்கு கோவமும் வந்தது
அதே சமயத்தில் சிரிப்பும்.நான் அவனை முறைத்து கொண்டிருந்தேன்.
இதற்கு இடையில் இசை முடிந்து பாட்டின் முதல் வரியை துப்பி கொண்டிருந்தது ம்யூசிக் ப்ளேயர். தண்ணீரை காதலிக்கும் மீன்களா இல்லை..என்று பாடியது மீண்டும் அவன் அஜித்தை காதலிக்கும் பெண்களா இல்லை என்று
மொபைலோடு போட்டி போட்டுக் கொண்டு பாடினான். எனக்கு இப்போது கோவம் இல்லை. சிரிப்பு தான். கொஞ்சமாய் சிந்தனையும் துளிர்விட ஆரம்பித்தது. இதற்கு முன்னொரு நாளும் இப்படி தான் அப்போது ராஜா பாட்டு.

எனக்கும் பெண்களுக்கும் இடையில் என்ன உறவை கண்டார்களோ? நான் பொதுவாக பெண்களிடமே பேசத் தயங்குவேன்(நேரில்) . இதுவரை எந்த பெண்ணையும் கண்ணோடு கண் பார்த்து கூட பேசியதில்லை. பிறகேன் இப்படி? நான் கவிதை
எழுதவதால் தான் இந்த வசவுகளோ? நான் பெண்களை சக மனுசியராகத் தான் கருதுகிறேன். என்ன...எல்லோரை விடவும் கொஞ்சம் அதிகமாக ரசிப்பேன். பெண்கள் என்று இல்லை எல்லாவற்றையுமே. இது கூட பரவாயில்லை. இன்னும்
சிலர் என்னை கா.க என்பார்கள்.நான் நிறைய எழுதுகிறேன். அதில் அந்த வகையானதை மட்டுமே தேர்ந்தெடுத்து படிக்கிறார்கள் என்று நினைக்கிறேன். அதனால் எனக்கு அப்படி பெயர் சூட்டி இருக்கிறார்கள். எது எப்படியோ
எனக்கு தெரிந்தவரை நான் நல்ல (அ)யோக்கியன்.இவர்கள் சொல்கிற அளவு மோசமாய் எதும் செய்து விடவில்லை இதுவரை. இனி செய்யவும் மாட்டேன்.ஏனென்றால் என் பலவீனம் யாதென நான் அறிவேன்.
நன்றி.