கவிதை

பக்திக்குரிய திரு வாசகமே
படிக்கத் தூண்டும் திருப்பாவையே

நான் அடையத் துடிக்கும் திருப்புகழே

உள்ளத்தில் போர் மூட்டும் மகாபாரதமே
பொருள் விளங்காத தொல் காப்பியமே

காதல் மிகுந்த குறுந்தொகையே
களிப்பளிக்கும் கலித்தொகையே

இளமை திரண்டு நிற்கும் புறநானூறே
நான் புரட்ட வேண்டிய அகநானூறே

கருத்துக்கிரு பொருள் கொண்ட பரிபாடலே
என்னுள்ளே வீரம் கிளர்த்தும் பதிற்றுப்பத்தே

புலன் ஐந்துடைய ஐங்குறுநூறே
நல் அடை(யிரண்டு)உடைய நற்றிணையே

அளவில் சிறுத்தாலும்
அழகில் சிறந்த
முதுமொழிக் காஞ்சியே

நீளம் குறைந்த திருக்குறளே
என்னை நெறி படுத்த நினைக்கும் ஆசாரக்கோவையே

அழகுப் பாவையே
என் அன்பின் தேவையே...
வா வா.