கட்டுரை

வழியெல்லாம் வழி கேட்டு வழி கேட்டு
உன் அன்பின் அடைக்கல நிழல் தேடி வந்தவனின்
பாதைகளைச் சுருட்டி சேலையாய் கட்டி நின்று
தாகத்திற்கு நீர் பருக
நெருங்கிய நதிகளை எல்லாம்
அள்ளி வாரி கூந்தலாக்கி கொண்டையிட்டு
திசைகள் எட்டையும் தாயக் கட்டைகளாய்
உருட்டி விளையாடும் உனது காலில்
கண்ணிருண்டு கால் மடிந்து
சுருண்டு விழுந்தழுது
கண்ணீரில் பாதம் நனைக்குமென்னை
உச்சி முடி பிடித்து
உயரத்தூக்கி பிடித்து
தூசியைப் போல
துயர வெளியில் ஊதி வி்ட்டு
கனத்த மேகத் தனங்கள் குலுங்க
மகிழ்ந்து சிரிக்கிறாய் நீ
மரித்து மிதக்கிறேன் நான்.

• பித்தன்

#மீள்