கட்டுரை

எதை விடவும்
இந்தப் புத்தகங்கள் ஏன்
இத்தனை கிளர்ச்சி யூட்டுகின்றன?
பக்கம் பக்கமாய் - புரட்ட புரட்ட
மனம் ஏன் இத்தனை நெளி நெளிகிறது.?
எந்தப் பானத்தை விடவும்
இந்தச் சொற்கள் ஏன்
இவ்வளவு போதையாக இருக்கின்றன?
என்னை காக்க வைக்கும்
உறவுகளில்
எனக்காக எப்போதும் காத்திருக்கும்
இவைகளின் அன்புதான்
எத்தனை பரந்தது!
ஐயோ..
மொழியின் மடி கிடத்தி
சொற்களை விரலாக்கி
இந்தப் புத்தகம் தான் என்னை
என்ன லாவகமாய் இசைக்கிறது பாருங்களேன்!

இப்படி
பிரியத்தின் சொற்களால் நுரைத்து கிடக்கும்
ஒரு புத்தகத்தை விடவும்
வேறெந்த துணை வேண்டி இருக்கு எனக்கு?

• பித்தன்