கட்டுரை

எப்போதும் போல வெளியில் உலாத்தி விட்டு வேடிக்கை பார்த்து கொண்டு வரும் போது தான்... எதேச்சையாக நிலாவே கீழிறங்கி வந்ததை போல் மஞ்சள் நிற சுடிதாரில் வயிற்றை உள்ளிழுத்து குட்டித் தொப்பையை மறைத்தபடி
வாலிபம் குலுங்க குலுங்க நிலாவின் மஞ்சள் ஒளியில் வாலிபால் ஆடிக் கொண்டிருந்த அவளை கண்ணுற நேர்ந்தது. இளஞ்சூட்டில் சிவந்த தோசையை போல் வட்டமான முகம். அதில் எண்ணெயிலூறிய கருவேப்பிலையை போல மின்னும்
கண்கள் ரெண்டு. தோசையின் மேலூற்றிய தக்காளி தொக்கை போல சிவந்து விட்ட சின்ன அதரங்களிரண்டு.கண்ணுக்கும் உதட்டுக்கும் மத்தியில் கருகாத சிறு நாசியொன்று. அவளின் சந்தன முகத்தில் அத்தனை சாந்தம். அத்தனை
சௌந்தர்யம். இந்த அம்சங்களை தாங்கி அரை சாணளவில் உயர்ந்து நிற்கும் கழுத்தடியில் அவளை போலவே குதித்து கொண்டிருந்தன ரெண்டு கொழுத்த முயல்கள். அவைகளை குட்டி தொப்பைகள் என்றாலும் பொருந்தும். இதெல்லாம்
என் வாலிபத்துண்டலின் வார்த்தை வெளிப்பாடுகள். ஹார்மோன் கிளர்ச்சியின் அநாவசியங்கள். இதில் நான் சொல்லாமல் விட்ட... அவளின் மூக்ககோண நிலவொத்த மூக்கின் மேல் மின்னிக் கொண்டிருந்த விண்மீன் குவியலொத்த
மூக்குத்தி தான் என் பெரு மூளையின் புறணியை பாதித்து என்னை ஆழ்மயக்க நிலைக்கு அழைத்துச் சென்று என் ஆத்மா தீண்டி தீண்டி என்னை திண்டாடச் செய்கிறது.

@28/04/2018