கட்டுரை

போதை ஏறிய நொடியில்
போதிமரத்து அடியில்
போயமர்ந்தேன்.

வான் மேல் பறந்த பறவை
என் மேல் பொழிந்த கழிவை
நான் நுகர்ந்தேன்.

கண் மேலிமை கீழிமை மூடி
உள் மனதின் உள்ளே ஓடி
நான் நகர்ந்தேன்.

புத்தனாகும் ஆசையில்
புத்திக்குள் எழுந்த ஓசையில்
புத்தன் சொன்னதையும் மறந்தேன்.

ஆசைகளற்ற மனிதர் வேண்டுமென
ஆசை கொண்ட புத்தனை போல
அநாதையாய் நானும் அந்த
அரச மரத்தடியில் இறந்தேன்.

❤️