கட்டுரை

அழகியல்.

அழகெனப்படுவது முகத்தோற்றத்தையோ
ஆடை மூடியிருக்கும் உடலையோ குறிப்பதல்ல.
சிவந்த தோலும் பருத்த உடலும் தான் அழகென்று பலர் எண்ணம் கொண்டிருக்கிறீர்கள்.
குறிப்பாக பெண்கள்.
(எத்தனை முகப்பூச்சுகள் எத்தனை விதமான ஆடைகள் அவரவர் தனிப்பட்ட விசயம் இதில் நான் தலையிடவில்லை.)

அழகு என்பதன் அர்த்தத்தை முதலில் அறிந்து கொள்ளுங்கள்.
நாம் நிறைய பேரிடத்து சொல்லி இருப்போம் அல்லது சொல்லக் கேட்டிருப்போம்.
"நீ அழகா பேசற.. "
" நீ அழகா எழுதற.. "
இப்படி எத்தனையோ வாக்கியங்கள் உண்டு.
இங்கு அழகு என்பதன் அர்த்தம் என்ன?
நல்ல சிவப்பா?
நன்கு பருத்திருப்பதா?
இல்லை.

அழகு என்பது வரையறுக்கப்படாத ஒன்று.
இன்னது தான் அழகென்று யாரும் சொல்லி விட முடியாது.
அது ரசிப்பவரின் ரசனைக்குரியது.
ஆனால் நீங்கள் அழகென்று நினைத்து கொண்டிருப்பதெல்லாம் அழகல்ல. அது கவர்ச்சி.
எண்ணத்திற்கினியன எல்லாம் அழகே.
கருந்தோல் உடையவன் அழகில்லை என்பதும்
இள மாநிறமாய் செந்தோலுடையவன் அழகென்பதும் உங்கள் அடி முட்டாள் தனம்.

அழகு என்ற சொல் புறத்தோற்றத்தை விட அகத் தோற்றத்தையே குறிக்கிறது.
நல்லெண்ணமும் தீதெண்ணாதிருத்தலும்
ஆளுமையும்
ஆர்வமும் ஈடுபாடும்
உண்மையும் உழைப்பும்
எப்போதும் உதட்டில் சிறு புன்னகையும்
அன்பும்
கர்வமில்லா அறிவும்
கண்ணுறுவோரை மகிழ்விக்கும் பண்பும்
கொண்ட யாதும் யாவரும் அழகே.
ஏன் நானும் அழகே.