தத்துவம்

அம்மு
என் பிரியத்தை
எப்படி உணத்துவதென்று
தெரியவில்லை எனக்கு.
குழந்தைக்கு அம்மா அம்மா என்று
அழத் தெரியுமே ஒழிய
தாயின் மீதான
தனதன்பை விளக்க தெரியாது அம்மு

என் மொத்த அன்பை உணர்த்தும்
ஒரு சொல் தெரியவில்லை அம்மு எனக்கு
முடியுமாயின்
ஒரு முத்தம்
முடியுமாயின்
ஒரு அணைப்பு
முடியுமாயின்
ஒரு கைப்பிடிப்பு
இப்படி எதாவதொன்றின் வழியேனும்
முயன்று பார்க்கிறேன்
முடியுமா என்று.

💙