தத்துவம்

நாட்குறிப்பில் இடம் பெறாத நாட்கள்.

🙈முதன் முதலாய்
பள்ளி ஆண்டு விழாவில் ஆட பயிற்சி செய்த சமயத்தில்
அரைஞாண் கயிற்றில் சிக்கி இருந்து
கழன்று விழுந்த காக்கி டவுசரால்
மானம் பறி போன
என் முதல் அவமான நாள்.

🤨வீட்டு பாடம் செய்யாதற்காக
கஸ்தூரி பாய் டீச்சர் மிரட்ட
காலோடு ஒன்னுக்கிருந்த
"கேலி" நாள்.

🙈பொட்டல் வெளியில் மாட்டை கட்டி விட்டு
கிரிக்கெட் ஆடிய போது
படக் கூடாத இடத்தில்
பந்து பட்ட
"வலி" நாள்.

🙈வயசுக்கு வந்தவளின்
பாவாடையில் ரத்தக் கறை பார்த்து
மருந்து வாங்கி வரவா எனக் கேட்ட
"மட" நாள்.

🙊தாலிக் கட்டிக் கொண்டால்
புள்ள பொறக்கும் என நினைத்து
எதிர் விட்டு
ஜனனி கழுத்தில்
உரப்பையில் இருந்து
நூலுருவி தாலி கட்டிய
என் "முதல் கல்யாண" நாள்

😭பீடி குடிப்பதாக சொல்லிக் கொண்டு
எள்ளுச் சக்கையை
எடுத்து பற்ற வைத்து
புகை விட்டு
அம்மா விடம் கொள்ளிக்கட்டையில் சூடு பட்ட
"புண்" நாள்

🙃முதல் ரயில் பயணத்தின் போது
கம்பார்ட்மெண்ட் மாறி ஏறி
டிடிஆரிடம் மாட்டிய
"பைன்" நாள்.

லவ் புரபோஸ் செய்வதாக
கல்யாணமான பெண்ணிடம்
லெட்டர் நீட்டிய
"அறை" நாள்.

இப்படி எத்தனையோ உண்டு...
என் நாட்குறிப்பில் இடம் பெறாத நாட்கள்.