சிறுகதை

ஏ
காதலர்களே
"உங்களுக்கு
மனம் மாற்றி
காதல் செய்ய உரிமை உண்டு
ஆனால்
மதம் மாறி காதல் செய்ய
கட்டாயம் உரிமை இல்லை"
இது
இங்குள்ள
சாதி வெறி பிடித்த
சாகாத பிணங்களின்
சட்டம்.
இதை
மறு பரிசீலனை செய்யவே
என் பேனாவில் மையிட்டேன்.
ஆமாம்
அதற்கு முன்
அன்பானவர்களே
உங்களிடம்
ஒரு
கட்டாய வேண்டுகோள்
தற்கொலைக்கு
எடுக்கும் ஆயுதத்தை
கொஞ்சம்
எதிர்ப்புக் கெதிராகவும்
எடுக்கலாமே
போதும்
போதும்
தண்டவாளங்களுக்கு
தலை வணங்கிய தெல்லாம்
போதும்
வாட்களுக்கு
இரத்த தானம்
செய்ததெல்லாம்
போதும்
இனியேனும்
அந்த
காதற்கிறக்கத்தில் இருந்து
கண் விழியுங்கள்.
உங்கள் மெல்லிய மனதை
கொஞ்சம் கல்லாக்கி
கொல்லுங்கள்
காதலின் தாலி அறுக்க வரும்
ரத்தக் காட்டேரிகளை.
என்னடா
யுத்தங்கள் வேண்டாமென்றவன்
ரத்தம் பார்க்க சொல்கிறேனென்று
தலைச் சொறியாதீர்கள்.
"இது
நகம் வெட்டச் சொன்னாலே
விரல் வெட்டி
வீசியெறியும்
சமுதாயம்
இங்கு
முடி வெட்டச் சொல்லி
முண்டமாய் வந்து
நிற்காதீர்கள்"என்கிறேன்.