சிறுகதை

தாங்கி
தள்ளாடி
தாடியும்
தாடிக்குள் சோகமுமாய்
உதட்டிடுக்கில் பேரோலமொன்றை
உள்ளிருத்தி மறைத்து கொண்டு
செத்த சிரிப்பு சிரித்த படி
போகிறானொருவன்.
அவனை பார்க்கும் போது
என்னை நானே
எனக்குள்ளிருந்து வெளி வந்து
வேடிக்கை பார்ப்பது போலிருக்கிறது.
நிச்சயம்
எனக்கு உன்னைப் போல
அவனுக்கும் யாரோ ஒருத்தி
சகலமுமாய் இருந்து
பிரிந்து போயிருக்க வேண்டும் சகி.