சிறுகதை

மல்லாந்து படுத்து
இமைகளால் தின்று
பேப்பரின் வாசனையும்
வரும் (கதா) பாத்திரங்களின் வாசனையும் நுகரந்து
அட்டை படத்தை
அடிக்கடி பார்த்து
மரண தேதி தெரிந்து விட்டவனை போல்
எப்போது முடிப்போம் என்ற
எத்தணிப்பில்
கடைசி பக்கஎண்ணில் இருந்து
வாசிக்கும் பக்க எண்ணை கழித்து
எஞ்சி பக்கங்களை கணக்கிட்டு
உலர்ந்த உதடும் நனைக்கால்
முட்டி நிற்கும் மூத்திரமும் போகாமல்
கெட்டியாய் கால்களை ஒட்டிக் கொண்டு
எழுத்துகளை புணர்ந்து மேவி
கதையின் சூழ்நிலைக்கேற்ப
கவலையும் மகிழ்வுமாய்
முகம் மாற்றி
ஏதாவதோரிடத்தில்
கண்ணீருதிர அழுதும்
ஏதாவதோரிடத்தில்
பிறர் காதெட்ட சத்தமாய் சிரித்தும்
முடிவை நெருங்க நெருங்க
பேய் கண்டதை போல்
முகம் இருண்டு
கதை யின் முடிவுக்கேற்ப
எழுத்தாளனை திட்டியும் மெச்சியும்
தனக்குள் அழுதும் சிரித்தும் தீர்த்து
மூடிய புத்தகத்தின் முன் பக்கத்திற்கொரு முத்தம் கொடுத்து
மார்போடு இருத்தி மகிழ்ந்திருந்து
சுயநினைவெட்டி
முட்டி வரை முட்டி நிற்கும்
அவசர காரியத்தை முடித்து விட்டு
மீ்ண்டும் படுக்கையில் மல்லாந்து படுத்து
ஆசுவாசப்படுதலை போலொரு
ஆத்ம போதை வேறொன்றுமில்லை.