சிறுகதை

என்னை காதலிப்பது என்பதும் என்னோடு காலம் கழிப்பதென்பதும் அத்தனை எளிதல்ல... அடிக்கடி பாசப் பரிசோதனை செய்வேன் உன் அன்பை உறுதி செய்ய என்னை உருக்குலைப்பேன் உன்னை விலகி
நின்று நெருங்கிவா வென அழைப்பேன் உன்னை அழ வைத்து கொஞ்சுவேன் உன் இதயத்தை தோலுறித்து என் முகம் தேடுவேன் என் ஒவ்வொரு அணைப்பிலும் உன் குறுக்கெலும்பும் நெஞ்செலும்பும்
நொறுங்கும் முத்தமிடும் போதெல்லாம் உன் உதட்டு சதை கிழிபடும் உன் மென் பிரதேசங்களில் பல் பதிய கடித்து களிப்புறுவேன் குளித்து முடித்து உலர்த்தி கொண்டிருக்கும் உன் ஈரக்
கூந்தலில் விரல் கோதி பலம் கொண்ட மட்டும் பற்றி இழுப்பேன் என் மீதான உன் மோகமறிய நானே இந்திரனை நானாக்கி உன்னிடத்தில் அனுப்பி வைப்பேன் என்னை ராமனாக்க உன்னை ராவணனிடத்து சிறை
வைப்பேன் உன்னை கண்ணகியாக்க நான் கோவலனாகி மாதவியின் மடி துயில்வேன். இப்போது சொல் இதற்கெல்லாம் சம்மதம் என்றால் சொல் காதலிப்போமா?