கவிதை

நீ வைக்கிற ப்ளாஸ்டிக் பூ.
லிப்ஸ்டிக் போடாமலே பிங்க் நிறத்திலுள்ள
அடி உதடு.
கழுத்தில் வளையம் வளையமாய் இருக்கிற சதைக் கதுப்புகள்.
நடைக்கு லயம் சேர்க்கிற தங்க நிற கொலுசு.
நன்கு பொருந்தி விட்ட பட்டியலா பேண்ட்.
நெத்தியிலிருக்கிற ஒற்றை கருப்பு ஸ்டிக்கர் பொட்டு மற்றும் அதன் மேலுள்ள துளியூண்டு சந்தனம்.
சுருண்டிருக்கிற போதும் இடை தொடும் முடி.
வலது புறங்கையில் இருக்கிற மச்சக் கொப்புளம்.
அடிக்கடி அந்த அடி உதட்டை உள் மடித்து எச்சில் பூசுவது.
எக்கி உள்ளிழுத்து பிரம்ம பிரயத்தனம் செய்கிற போதும் வெளித்தெரிகிற கொஞ்சூண்டு தொப்பை.
பின்னந் தொடை யின் மேலிடுப்பு பகுதியில் உடை தாண்டி துருத்தி நிற்கிற சதைப் பிதுக்கம்.
மூக்கின் கீழ் முளைத்திருக்கிற பூனை முடி மீசை. .

கண்ணாடி பார்க்கிற போதும்
குளிக்கிற போதும்
அலங்காரம் செய்து கொள்கிற போதும்
நேரமிருக்கிற போதும்
கொஞ்சம் இதை எல்லாம் கவனித்து விட்டு சொல்.

பகட்டில்லாமல்
எல்லா கோணத்திலும் அழகாய் தெரிகிற
இப்படி பட்ட பெண்ணை யாருக்கு தான் பிடிக்காது.