கவிதை

ஆணுக்கும் பெண்ணுக்கும் எத்தனை பேதங்கள்.? ஏன் இப்படி? கலாச்சார தளர்வுகளும் கட்டுப்பாட்டு தளர்வுகளும் ஆண்களுக்கு மட்டுந்தானா.? இந்த ஆண் சமுதாயம் எத்தனை வன்மத்தோடு பெண்ணினத்தை அடிமையாக்கி
வைத்திருக்கிறது? ஒரு ஆண் யாரோடு வேண்டுமானாலும் எப்படி வேண்டுமானாலும் இருக்கலாம். ஆனால் பெண் என்பவள் இப்படித்தான் இருக்க வேண்டும் என்று சொல்வது என்ன நியாயம்? எதிர்த்து கேட்டால் "பெண்
மண்சட்டியோட சேத்தி அதுல ஒரு பண்டம் கொட்டிட்டா வேற பண்டத்த கொட்ட முடியாது " என்ற மட்டமான பதிலையை வேறு மார் நிமிர்த்தி சொல்கிறார்கள்.இதுவரை எந்த ஆண் மகனாவது கற்பு பரிபோனதாய் கயிறேறியதாகவோ
தீக்குளித்ததாகவோ கதையிலும் கேட்டதில்லை. ச்சீ." கற்பெனப்படுவது கரணமொடு புணர " என்பதே நியதி. மேலும்" ஒருவனுக்கு ஒருத்தி" என்று தான் இருக்கிறது "ஒருத்திக்கு ஒருவன்"
என்று எந்த மொழியும் இல்லை. இதிலிருந்து என்ன தெரிகிறது. ஆண்கள் ஒழுங்கங்கெட்டுத் திரிகிறார்கள். ஆமாம் ஆண் சமுதாயமே மட்டமான சமுதாயம். ஆதிக்க சமுதாயம்.
பெண் என்பவள் தெய்வ பிறப்பு.நம்மை ஈனுந் தாயாகவும் நம் குழந்தை பேணும் தாரமாகவும் இருப்பவள் . ஆனால் அவளை எப்போதும் காமக் கண் கொண்டும் மட்டம் தட்டும் நோக்கத்தோடுமே தான் பார்க்கிறது உலகம். இவ்வளவு
பேசுவதால் "இவன் என்ன யோக்கியனா? பேடி பெண்தாசன்? பொம்ளைங்களுக்கு சொம்பு தூக்குறான்......இவன் எவளையும் பார்த்திருக்க மாட்டானா..... " இப்படி என்ன வசை மொழி வேண்டுமானாலும் பேசிக்
கொள்ளுங்கள். நான் அழகான அனைத்தையும் ரசிப்பேன் ஆனால் என் பார்வை இயற்கையை இசையை கிளியை கிழக்கு வானை ரசிக்கும் போது எப்படியோ அப்படி தான் பெண்கள் மீதும்.
இன்னும் சொல்லப்போனால் பெண்களை என் நண்பர் ஒருவர் சொன்னதை போல இந்த ஆண் சமுதாயம் காமத்திற்கு மட்டுமே ஆனா பொருளாகத்தான் பார்க்கிறது (பெரும்பாலும்). பெண் என்பவள் காமத்திற்கும் மட்டுமே ஆனவள் இல்லை.
காமத்திற்கும் ஆனவள் என்பதை புரிந்து கொள்ள வேண்டும்.
மனிதனை தவிர மற்றெந்த உயிரிடத்தும் இது போன்ற ஆண் பெண் பேதம் இல்லை. மனித இனமே மட்டமான இனம். அறிவு ஆறிருந்தால் போதாது. அதை உபயோகிக்க வேண்டும். இயற்கையின் படைப்பில் அனைத்தும் சமம் என்று பேசினாலும்
எழுதினாலும் போதாது. கடைபிடிக்க வேண்டும்.
இந்த பெண்களும் அடிமைத்தனத்திற்கு உடன்பட்டு படுக்கையறையிலும் அடுப்படியிலும் வாழ்க்கை கரியாக்காமல் துணிந்து மீண்டெழ வேண்டும்.

நன்றி.