கட்டுரை

பாறை பிளவுக்கொப்புரைக்கலாம்
என்றாலும்
இரண்டின் தன்மையும் வேறாய் இருக்கிறது.

மையமகன்ற
இரு முனை குவிந்த இலையென
சொல்லவும் யோசனையாக இருக்கிறது.

வேரடி வள்ளிக் கிழங்கின்
வடிவத்தை போல
சுவையும் எனினும்
தொட்டிட அமிழ்தூறும் நிலைக்கு
எதை ஒப்புச் சொல்வதென
தயக்கமாயிருக்கிறது.
ம்ம்...
படம் விரி சர்ப்பம் போலென
அல்லது
சிவனின் திறந்த நெற்றிக் கண் போலென
சொல்வது சாலப் பொருந்தும்.

ஆமாம்.