கட்டுரை

போலானதை போல் இல்லாமல்

அவன் போல்
இவன் போல்
எவன் போலும் இல்லாமல்
அது போல்
இது போல்
எது போலும் இல்லாமல்
ஏன்
நேற்றிருந்த
என் போலும்
இன்றிருக்கிற
நான் போலும் இல்லாமல்
நாளுக்கொரு என்னை
நானே பிரசவித்து
அன்றைக்கொரு அவதாரத்தில்
வாழப் போகிறேன்..
உதிரும் இறகின் நிழலாய்
உடல் சாயும் முன்னே
உயிர் மாயப் போகிறேன்..
தோன்றும் நிலா தோய்ந்தாலும்
மின்னும் மீன் வலை காய்ந்தாலும்..
தானே தானாய் இருக்கும் இரவாய்..
நானும் நானாய் இருப்பேன் ..
இது போல் இது போலொரு கவிதையின்
பொருளின் ஆழத்தில் கருவாய் சிரிப்பேன் ...
போலானதை போல் இல்லாமல்
வாழ்ந்து சிலிர்ப்பேன்.